Tótenshe jaǵdaılar mınıstrligi sý tasqyny qaýpi bar óńirlerdi atady

NUR-SULTAN. QazAqparat - QR Tótenshe jaǵdaılar mınıstrligi Tótenshe jaǵdaılardyń aldyn alý departamentiniń bastyǵy Rústembek Ámrın sý tasqyny qaýpi bar óńirlerdi atady, dep habarlaıdy QazAqparat tilshisi.

«Qardaǵy sý qorynyń mólsherin, topyraqtyń kúzgi ylǵaldanýyn, topyraqtyń qatý tereńdigin taldaı otyryp, sondaı-aq qar astynda muz qabyǵynyń bolýyn eskerip, sý tasqyny qaýpi bar aımaqtar anyqtaldy. Táýekeli joǵary óńirlerge SQO, ShQO, Aqmola, Qaraǵandy jáne Qostanaı oblystary jatady. Ortasha qaýipti aımaqtarǵa: BQO, Aqtóbe, Pavlodar, Almaty, Jambyl jáne Túrkistan oblystary kiredi», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń dereginshe, qazirgi ýaqytta qar jınalý protsesi jalǵasýda jáne sý tasqynyna túpkilikti boljam Qazgıdromet tarapynan 1 naýryzdaǵy jaǵdaı boıynsha daıyndalyp jatyr.

«Sońǵy bes jylda sý tasqynynan elimizdiń on óńirindegi 165 eldi meken zardap shekti», - dedi departamet bastyǵy.