Tótenshe jaǵdaılar mınıstrliginiń jeke quramy men tehnıkasy BQO-dan Atyraý oblysyna qaraı kóshedi

<p>ASTANA. KAZINFORM &ndash; Batys Qazaqstan oblysynyń aýmaǵyn áýeden baqylaý barysynda vıtse-premer Qanat Bozymbaev Tótenshe jaǵdaılar mınıstrliginiń jeke quramy men tehnıkasyn sý tasqynynyń sharyqtaý sheginen ótken aýdandardan Jaıyq ózeniniń tómengi aǵysyndaǵy Atyraý oblysynyń shekarasyna deıingi eldi mekenderge kóshirýdi tapsyrdy.</p>

QR Tótenshe jaǵdaılar mınıstrligi baspasóz qyzmetiniń habarlaýynsha, Orynbordan Jaıyq ózenine quıatyn sýdyń deńgeıi túsip keledi. Batys Qazaqstan oblysynda Báıterek aýdanynyń Ozernoe, Rýbejınskoe jáne ıAnvartsevo aýyldarynda da sý kólemi birshama azaıǵan. 

Mamandardyń aıtýynsha, BQO-da tasqynnyń sharyqtaý shegi kezinde sý kúrt kóterilmeıtini boljanyp otyr.

Oralda jaǵdaı áli de kúrdeli. Qaýip seıilgenshe qalada TJM men Qorǵanys mınıstrligi men atalǵan vedomstvolardyń elimizdiń basqa óńirlerinen kelgen sarbazdaryn qosqanda 6 myńnan astam adam bolady. Taǵy 200 sarbaz keledi dep kútilýde. Qorǵanys mınıstrliginiń mańǵystaýlyq 100 qyzmetkeri qazirdiń ózinde Shaǵan ózeniniń boıyndaǵy Mıchýrıno aýylyn nyǵaıtyp, úsh aýysymda jumys istep jatyr.

Aqtóbe, Astana, Almaty qalalarynyń ondaǵan sarbazy men qutqarýshysyy basqa yqsham aýdandarda bóget salýda.

Vıtse-premer Qanat Bozymbaev sý tasqynyna qarsy is-sharalarǵa atsalysqandardyń barlyǵyna alǵysyn bildirip, kómekke kelgenderge barlyq qajetti jaǵdaıdy jasaýdy tapsyrdy.

Osyǵan deıin Jaıyq ózenindegi sý deńgeıi Oralda 860 santımetrden asqany habarlandy.

Sondaı-aq Oral qalasynda 116 saıajaı birlestigin sý basqany aıtyldy.

Atyraý oblysynyń BQO-men shekaradaǵy Baǵyrlaı kanalyna mol sý kelgeni habarlandy.