Tótenshe jaǵdaılar mınıstrliginde aqparattyq-nasıhattaý toby quryldy

<p>Aqparattyq-nasıhattaý toby mınıstrliktiń jeke quramy arasynda ıdeologııalyq, azamattyq-patrıottyq, ıaǵnı, qazaqstandyq patrıotızm men konstıtýtsııalyq boryshqa adaldyq rýhynda, ıdeıalyq-adamgershilik tárbıeni nasıhattaý, elimizdiń ishki jáne syrtqy saıasatynyń negizgi baǵyttary boıynsha aqparattandyrý jáne TJM ımıdjin odan ári arttyrý maqsatynda quryldy. <a href="Kazinform" target="_blank" rel="noopener">Kazinform</a> bul týraly Tótenshe jaǵdaılar mınıstrligine silteme jasap habarlaıdy.&nbsp;</p>

Top quramyna TJ vıtse-mınıstr general-maıor Baýyrjan Syzdyqov, Órtke qarsy qyzmet komıtetiniń tóraǵasy azamattyq qorǵaý polkovnıgi Ramıl Kamalov, sondaı-aq TJM qurylymdyq bólimsheleriniń bastyqtary kiredi.

Aqparattyq-nasıhattaý tobynyń jeke qurammen alǵashqy kezdesýi Astana qalasynda ótti. Aqparattyq-nasıhattyq top elordalyq garnızonnyń jeke quramymen kezdesip, túsindirý jumystaryn júrgizdi.

Osy kezdesý aıasynda órt sóndirý jáne TJ-nyń saldaryn joıý kezinde erekshe kózge túsken 5 qyzmetker marapattaldy. Kezdesý barysynda azamattyq qorǵaý organdarynda qyzmet týraly beınerolık kórsetilip, Astana qalasy TJD jeke quramynyń kúshimen kontserttik baǵdarlama uıymdastyryldy.

Sonymen qatar aqparattyq-nasıhattaý tobynyń músheleri «Astana qalasy mektepteriniń TJ mınıstrlerimen» kezdesti. Basqosýǵa elordanyń mektepterinen 400-den astam bala qatysty.

Osyndaı kezdesýler TJM-niń basqa aýmaqtyq bólimshelerinde de josparlanǵan jáne jyl boıy júzege asyrylady.