Tótenshe jaǵdaılar mınıstrligi jataqhanalar qaýipsizdigin erekshe baqylaýǵa almaq

<p>Kelip túsken shaǵymdardyń 60 paıyzy órt qaýipsizdigi talaptary qurylys satysynda buzylatynyn kórsetip otyr. Bul týraly Senatta azamattyq qorǵaý júıesin jetildirý taqyrybyndaǵy parlamenttik tyńdaý barysynda Tótenshe jaǵdaılar mınıstri Syrym Sháriphanov aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Qazir Úkimettiń 7 fýnktsııasy mınıstrlikke, al mınıstrliktiń 1 fýnktsııasy jergilikti ákimdikterge berildi. Ákimshilik reforma aıasynda «Azamattyq qorǵaý týraly» Zańnan 56 fýnktsııa alynyp tastaldy, taǵy 53-i ázirlengen zań jobasy boıynsha iske asyrylady. Usynylǵan zań jobasy Memleket basshysynyń tapsyrmalaryna, Úkimettiń 2023 jylǵa arnalǵan zań jobalaý jumystarynyń josparyna sáıkes ázirlendi jáne azamattyq qorǵaý salasyndaǵy qaýipsizdikti qamtamasyz etý jónindegi sharalardy iske asyrýdy kózdeıdi», - dedi S. Sháriphanov.

Bul turǵyda atalǵan qujat aıasynda eskerilgen qadamdarǵa toqtaldy.

«Birinshiden, órt qaýipsizdigin qamtamasyz etýge qatysty. Obektilerdi jobalaý jáne salý kezinde bolǵan órt qaýipsizdigi talaptaryn buzý faktileri, órttiń týyndaý qaýpin seıiltý jáne onyń jaǵymsyz saldaryn azaıtý maqsatynda keshendi sharalar qabyldaýdy talap etedi. Mınıstrlikke kelip túsken shaǵymdardyń 60 paıyzy órt qaýipsizdigi talaptaryn jobalaý kezinde jáne qurylys satysynda buzylatynyn kórsetip otyr. Máselen, «STOP Qurylys» toby músheleriniń bir ǵana ótinishinde Almaty qalasynda órt qaýipsizdigi talaptaryn buzǵan 11 turǵyn úı kesheniniń bar ekenin kórsetti. Almaty qalasyndaǵy 13 adamnyń ómirin qıǵan hosteldegi qaıǵyly oqıǵa qoǵamdyq rezonans týdyrdy. Atalǵan jaǵdaılarǵa jeke úıler men kottedjderdi jataqhana etip qaıta jabdyqtaý úrdisiniń ósýi yqpal etip otyr. Ásirese mundaı is áreketter Astana, Almaty jáne Shymkent qalalarynda baıqaldy. Osyndaı faktilerdiń aldyn alý úshin bıiktigi 28 metrden asatyn ǵımarattar men adamdar jappaı shoǵyrlanatyn nysandardy paıdalanýǵa qabyldaý kezinde mınıstrliktiń (Tótenshe jaǵdaılar mınıstrligi) qatysýyn qaıtarý boıynsha norma ázirilendi», - dedi mınıstr.

Onyń aıtýynsha, Memleket basshysynyń qurylysty jobalaý kezinde órt qaýipsizdigi talaptaryn kúsheıtý týraly tapsyrmasyn oryndaý maqsatynda Mınıstrlikke arnaıy tehnıkalyq sharttardy kelisý ókilettigin berý qarastyrylǵan. Bul norma órt qaýipsizdigi talaptaryn oryndaýdan negizsiz aýytqý faktileriniń aldyn alýǵa múmkindik beredi.