Tótenshe jaǵdaılar mınıstri sýǵa batyp bara jatqan qyzdy qutqarǵan jigitti marapattady
Oǵan «Sýǵa batqandardy qutqarǵany úshin» medali tabystaldy, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.
- Adam ómirin qutqarýdaǵy erligińiz ben janqııarlyǵyńyz úshin sizge alǵys bildiremin, - dedi ıÝrıı Ilın.
Oqıǵa 2021 jyldyń 26 mamyrynda Nur-Sultan qalasynyń Aqbulaq ózeninde bolǵan.
Kúndiz kópirlerdiń birinen qyz bala kenetten sekirip ketedi. Onyń sýǵa sekirgenin kórip sol mańdaǵy adamdar kómek surap aıqaılaǵan. Sol sátte eldordalyq joǵary oqý oryndarynyń birinde qaýipsizdik qyzmetkeri bolyp jumys isteıtin Asylbek Nurjanov sýǵa sekirip, qyzdy qutqarǵan.
«Ol kezde qyz es-tússiz jatqan bolatyn. Oqıǵanyń ózge kýágerleri maǵan jaǵaǵa shyǵýǵa kómektesti. Olar qyzǵa alǵashqy medıtsınalyq kómek kórsetti»,- deıdi batyr jigit.
Tótenshe jaǵdaılar mınıstri Asylbek Nurjanovqa alǵys aıtyp, otbasyna densaýlyq pen baqyt tiledi.