Tótenshe jaǵdaılar mınıstri órt sóndirý tikushaqtaryna qatysty pikir bildirdi

ASTANA. QazAqparat - Tótenshe jaǵdaılar mınıstrligine qosymsha tikushaqtar satyp alynady. Bul týraly atalǵan vedomstvonyń basshysy Syrym Sháriphanov aıtty, dep habarlaıdy QazAqparat tilshisi.

Búgin Májiliste tilshiler mınıstrden vedomstvoǵa qarasty órt sóndirýge arnalǵan neshe tikushaq bar ekenin surady.

«Tótenshe jaǵdaılar mınıstrliginde 30-ǵa jýyq tikushaq bar. Atap aıtqanda, tikushaqtardy kóbeıtý kerek bolyp tur. Bul baǵytta tıisti qadamdar jasalyp jatyr, jol kartasy eskerilgen», - dedi S. Sháriphanov.

Osy oraıda ol elimizdegi órtke qatysty ahýaldy eskere otyryp qajet tehnıka sanyn esepteý júretinin aıtty.

«Buryn osyndaı alapat órt bolmaǵan. Bul turǵyda tıisti zertteý júrgizip, qajet tehnıkany esepteý kerek», - dedi mınıstr.

Budan buryn habarlanǵandaı, keshendi jospar aıasynda mınıstrlikke 2027 jylǵa deıin taǵy 16 tikushaq jetkiziletini málim boldy.