Tótenshe jaǵdaılar mınıstri Ertis ormanynda órt sóndirýshiler jumysyn baǵalady

PAVLODAR. QazAqparat – Tótenshe jaǵdaılar mınıstri Syrym Sháriphanov «Ertis ormany» tabıǵı rezervatynyń aýmaǵynda orman órtin sóndirý boıynsha praktıkalyq jumysty baǵalady, dep habarlaıdy QazAqparat.

Mınıstrliktiń baspasóz qyzmetinen málim etkendeı, is-sharany Qazaqstan Respýblıkasy Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti ótkizdi. Onyń maqsaty – orman órtterin joıý kezinde ártúrli vedomstvolar men uıymdar is-áreketteriniń koordınatsııasy men baılanysyn pysyqtaý.

«Mundaı jumystar orman órtterine qarsy tıimdi áreket etýdiń mańyzdy bóligi bolyp tabylady. Bul is-áreketterdi úılestirýge, arnaıy jabdyqty qoldanýǵa jáne órtti sóndirý taktıkasyn jaqsartýǵa kómektesedi.

«Ertis ormany» sııaqty tabıǵı rezervattar erekshe qundy tabıǵı obektiler bolyp tabylady. Olardy órtten qorǵaý – basty mindet», - delingen málimette.