Tótenshe jaǵdaılar mınıstri Shyńǵys Árinov Qostanaı oblysyna bardy
12:10, 06 Sáýir 2024
<p>QOSTANAI. KAZINFORM – Qazaqstan Premer-mınıstri Oljas Bektenovtiń tapsyrmasy boıynsha Tótenshe jaǵdaılar mınıstri Shyńǵys Árinov tańerteń Qostanaı oblysyna keldi. Bul týraly QR TJM baspasóz qyzmeti málimdedi. </p>
Belgili bolǵandaı sapardyń mindeti — sý tasqyny jaǵdaıyn turaqtandyrý boıynsha jumysty úılestirý.
Keshe Tobyl ózeni deńgeıiniń qarqyndy kóterilýine baılanysty Tobyl jáne Qostanaı qalalarynyń eldi mekenderin sý basý qaýpi týyndady. Jumys sapary barysynda vedomstvo basshysy oblys ákimi Qumar Aqsaqalovpen birlesip evakýatsııalyq pýnktterdi, sý basqan aýla ýchaskelerin jáne Qostanaı aýdanyndaǵy koreı kópirindegi bógetterdi aralady.
Eske sala keteıik, búgin Qostanaıda tótenshe jaǵdaı jarııalandy. Qostanaıda sý basý qaýpine baılanysty polıtseıler men qutqarýshylar jergilikti atqarýshy organdarmen birlesip 215 turǵyndy qaýipsiz jerge kóshirdi.