Tótenshe jaǵdaılar mınıstri - Shyńǵys Árinov

<p>ASTANA. KAZINORM &mdash; Tótenshe jaǵdaılar mınıstri qyzmetine Shyńǵys Árinov bekitildi.</p>

«Memleket basshysynyń Jarlyǵymen Shyńǵys Saıranuly Árinov Qazaqstan Respýblıkasynyń Tótenshe jaǵdaılar mınıstri bolyp taǵaıyndaldy, ol burynǵy atqarǵan laýazymynan bosatyldy», — delingen Aqordanyń resmı saıtynda.

Aıta keteıik, Shyńǵys Saıranuly ál-Farabı atyndaǵy Qazaq ulttyq ýnıversıtetin halyqaralyq qatynastar mamandyǵy boıynsha bitirgen. Qazaq eńbek jáne áleýmettik qatynastar akademııasynda «Quqyqtaný», Azamattyq avıatsııa akademııasynda «Tasymaldy, qozǵalysty uıymdastyrý jáne kólikti paıdalaný» boıynsha bilim alǵan.

2006-2022 jj. Qazaqstan Respýblıkasy Memlekettik kúzet qyzmetiniń kadrynda ártúrli ofıtserlik jáne basshy laýazymdarda qyzmet atqardy.

2022 jylǵy qańtarda Qazaqstan Respýblıkasy Prezıdentiniń Ókimimen Qazaqstan Respýblıkasy Memlekettik kúzet qyzmeti bastyǵynyń orynbasary — Prezıdent kúzet qyzmetiniń bastyǵy bolyp taǵaıyndaldy.

ІІ, ІІІ dárejeli «Elbasynyń qaýipsizdigin aıbyndy atqarǵany úshin» medalimen jáne «Qazaqstan Respýblıkasy Memlekettik kúzet qyzmetine 25 jyl», «Qazaqstan Táýelsizdigine 30 jyl» mereıtoılyq medaldarymen, sondaı-aq Qazaqstan Respýblıkasy Prezıdentiniń atynan alǵys hattarmen marapattalǵan.