Tótenshe jaǵdaılar mınıstri Qaraǵandy shahtalaryndaǵy ahýaldy baıandady

<p>Úkimet otyrysynda Tótenshe jaǵdaılar mınıstri Syrym Sháriphanov Qaraǵandy oblysyndaǵy Kostenko shahtasyndaǵy apattyń sebebin tekserýge sheteldik sarapshylar tartylatynyn málim etti, dep habarlaıdy <a href="Kazinform.kz" target="_blank" rel="noopener">Kazinform</a>.</p>

«Qazirgi ýaqytta taǵy 7 shaǵyn komıssııa qurylyp, jumys istep jatyr. Sonymen qatar tergeýge Qazaqstannan jáne shetelderden saraptamalyq uıymdar tartyldy. Esterińizge salaıyq, aǵymdaǵy jylǵy 28 qazanda saǵat 2-den 36 mınýt ketkende «ArselorMıttal Temirtaý» AQ Kómir departamentiniń Kostenko atyndaǵy shahtada tereńdigi 700 metrde janý bolyp, keıinnen metan-aýa qospasy jaryldy. Bul jerge dereý «Kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby» JShS Qaraǵandy fılıalynyń kúshteri jiberildi», - dedi ol.

Mınıstr apat kezinde aýysymda 252 kenshi bolǵanyn, onyń 201-i ózdiginen kóterilip, 5-ýin taý-ken qutqarý kúshteri tapqanyn eske saldy.

«Jalpy, 30 qazannan bastap Qaraǵandy oblysynyń bes shahtasynda (Abaı, Saran, Shahtınsk, Kúzembaev jáne Lenın atyndaǵy) óndirý protsesteri qaıta jandandy. «Tentek» shahtasynda tek daıyndyq jumystary júrgizilip jatyr. «Qazaqstan» shahtasynda onyń qarqyndy jumys isteýi úshin barlyq jumystar qamtamasyz etilýde jáne aerogaz jaǵdaıy baqylaýda», - dedi Syrym Sháriphanov.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat bolyp, keıin 45 adamnyń qaza tapqany habarlanǵan bolatyn. Osyǵan baılanysty Qazaqstanda 29 qazan Jalpyulttyq aza tutý kúni bolyp jarııalandy. 

30 qazanda birqatar BAQ órt kezinde shahtada qalyp qoıǵan 46 adamnyń da denesin týystary tanyǵanyn habarlady.