Tótenshe jaǵdaı: Nur-Sultanda blokpostan taýar ótkizý erejesi ázirlendi
Nur-Sultan qalasy kásipkerler palatasynyń málimetinshe, qala aýmaǵyna azyq-túlik, shıkizat taǵy basqa taýarlardy jetkizý komendanttyq saǵat bastalǵanǵa deıin kedergisiz júzege asyp jatyr.
«Elordada 2-19 qańtar aralyǵynda tótenshe jaǵdaı engizilýine baılanysty qala komendatýrasy komendanttyq saǵat kezinde (túngi saǵat 23:00-den tańǵy saǵat 7:00-ge deıin) blokbeketterden ótý tártibi men bıznes sýbektileri kólik quraldarynyń qozǵalys erejesi ázirlendi. Atalǵan ereje saqtalǵan jaǵdaıda taýarlardy jetkizý kedergisiz iske asyrylady. Qalalyq kásipkerler palatasy óz tarapynan kásipkerlerge baılanys ortalyǵynyń nómirleri boıynsha keńes berip, kómek kórsetedi», – dedi Nur-Sultan qalasy kásipkerler palatasynyń dırektory Almat Júnisov.
Qala aýmaǵyna komendanttyq saǵat ýaqyty bastalǵansha blokpostan ótý úshin myna qujattar kerek:
1. Azamattyń jeke kýáligi;
2. Júrgizýshi kýáligi;
3. Jol paraǵy;
4.Taýar-kólik júkqujaty (júkke jóneltpe qujattar).
Al komendanttyq saǵat ýaqytynda (túngi saǵat 23:00-den tańǵy saǵat 7:00-ge deıin) Nur-Sultan qalasynyń aýmaǵyna arnaıy ruqsaty bar júk tasymaldaýshylar ǵana kire alady.
Suralatyn qujattar:
1. Jeke kýálik nemese tólqujat (júrgizýshi jáne qyzmetkerler);
2. Júrgizýshi kýáligi;
3. Jumys ornynan anyqtama (júrgizýshi shynymen sonda jumys isteıtinin rastaý);
4. Eger júk tasymaly bolsa, taýar-kólik júkqujaty qajet;
5. Jol paraǵy;
6. Arnaıy ruqsat qaǵazy.
Sondaı-aq, kásipkerler palatasy arnaıy ruqsat qaǵazdy alý úshin júk tasymaldaýshylarǵa talaptyń baryn eske saldy.
1. Ótinishti Nur-Sultan qalasy ákiminiń apparatyna qolma qol nemese elektrondyq mekenjaıyna erkin nysanda jazý. Mazmunynda jazylatyn mindetti derekter:
1) zańdy tulǵanyń ataýy;
2) júrgizýshi/júrgizýshiler aty-jóni;
3) júrgizýshi/júrgizýshiler JSN-y;
4) kólik quraldarynyń markasy men memlekettik nómiri;
5) qozǵalys, júk, taýar (qandaı týar ekenin belgileý) tasymaldaýdyń sebebin jazý;
6) kompanııa qaramaǵynda birneshe kólik bolsa jáne kezekshilikte júrse, onda qandaı kólik qaı ýaqytta kezekte bolatynyn belgileý;
7) uıym móri men jetekshi qolyn qoıý;
8) telefon jáne baılanys derekterdi belgileý qajet.
«Shaǵyn jáne orta bıznes sýbektileriniń ótinimderi boıynsha Nur-Sultan qalasy komendantynyń orynbasary kún saıyn 13:00-ge deıin kásipkerlerdiń tizbesin bekitedi. Arnaıy ruqsat qaǵazy daıyn bolǵan kezde ákimdik qyzmetkerleri kásipkerlerge ózderi habarlaıdy. Arnaıy qujatty alýǵa orta eseppen 2 kún qajet, sondyqtan ótinishti aldyn ala jibergen jón», - delingen habarlamada.
Kásipkerlerge arnalǵan jedel jeli nómirleri:
87784101784
87784101736
87784101758