Tótenshe jaǵdaı mamandary áskerıler sııaqty baspana jeńildigin alýy kerek – ıÝrıı Ilın

NUR-SULTAN. QazAqparat – Tótenshe jaǵdaılar mınıstri ıÝrıı Ilın sala mamandary áskerıler sııaqty baspana jeńildigin alýy kerek degen paıym aıtty, dep habarlaıdy QazAqparat tilshisi.

«Memleket basshysy sheshim qabyldady. Úkimet 2023 jylǵa qaraı Qorǵanys, Tótenshe jaǵdaılar, Іshki ister mınıstrlikterindegi shtat boınysha laýazym jalaqylaryn teńestirýge jumys istep jatyr. Úsh jylda bir ret, kezeń-kezeńmen kúsh qurylymdary qyzemtkerleriniń aılyǵyn kóterip otyramyz. Sonń arqasnyda bólimsheler arasynda teńsizdik bolmaýy kerek»,- dedi vedomstvo basshysy QR Prezıdent teleradıokesheniniń «Úsh suraq» baǵdarlamasynda.

Sondaı-aq mınıstr tótenshe jaǵdaı salasynyń ókilderi de baspana máselesinde áskerıler sııaqty jeńildikke ıe bolýǵa laıyq degen paıymyn aıtty.

«Meniń aldyma qoıyp otyrǵan negizgi maqsatym – bizdiń qyzmetkerler de baspana jaldaý jeńildigin alýy kerek. Óz baspanasy joq jigitter kóp. Olar jeńildikpen baspana alýǵa bolatyn baǵdarlamalarǵa qatysa almaıdy. Qazir zańnamaǵa ózgerister ázirlep jatyrmyz. Kelesi jyly ony Parlamentke engizemiz. Norma zańdyq kúshine engende bizdiń qyzmetkerler de Qorǵanys mınıstrliginiń áskerı qyzmetkerleri sııaqty quqyqtar ıe bolady. Bizdiń qyzmetkerler áskerı kezekke túsetindikten, is júzinde olar da áskerı jumys isteıdi dep esepteımin. Ondaı jumys túrli jaraqattarǵa, qaıǵyly jaıttarǵa alyp kelýi múmkin. Byltyr Qorǵanys mınıstrliginiń Jambyl oblysyndaǵy áskerı qoımalarynda 10 qyzmetkerden aıyryldyq. Qaýip-qater bar, ol qater eskerilýi kerek», - dedi ıÝrıı Ilın

Aıta keteıik, bıyl Baızaqtaǵy jarylystan qaza tapqan órt sóndirýshilerge eskertkish qoıylǵan bolatyn.