Tótenshe jaǵdaı qyzmetkerleri men ekologter Kaspıı teńizine áýeden barlaý júrgizdi
Oblystyq tótenshe jaǵdaılar departamenti baspasóz qyzmetiniń málimetinshe, «QazAvıaQutqarý» AQ-nyń «MI-8» tikushaǵymen teńizge áýeden barlaý júrgizýge sý betinde munaıǵa uqsas daqtyń kóringeni týraly aqparat sebep bolǵan.
«13 naýryzda «Teńizshevroıl» JShS men «Gıdrobıologııa jáne ekologııa» ınstıtýtynyń mamandary Kaspıı teńiziniń qazaqstandyq sektorynda jáne jaǵalaýdaǵy Prorva aılaǵy ornalasqan aýmaqqa áýeden barlaý júrgizip, 18 jáne 19-núktede sý betinde munaı ónimderine uqsas daqtardy kórgen. Osyǵan baılanysty 18 naýryzda oblystyq tótenshe jaǵdaılar departamenti bastyǵy Sábıt Bıtaev Sábıt Kenjehanulynyń tóraǵalyǵymen ekologııa departamentiniń basshylyǵymen birge, «QazAvıaQutqarý» AQ-nyń «MI-8» tikushaǵymen Kaspıı teńizine áýeden barlaý jumystaryn júrgizdi. Oblystyq ekologııa departamentiniń qyzmetkerleri zerthanalyq zertteýler úshin teńiz sýynyń synamalaryn aldy. Júrgizilgen barlaý jumystary kezinde sý betinde munaı ónimderine uqsas daqtar joq ekeni anyqtaldy», -dep habarlady departamenttiń baspasóz qyzmeti.
Eske sala ketelik, buǵan deıin Atyraýda avtokólik joldaryn jańbyr sýy basqanyn habarlaǵan bolatynbyz.