Tótenshe jaǵdaı qyzmetiniń ókilderi bir jylda 14 myń adamdy qutqardy

NUR-SULTAN. QazAqparat – Tótenshe jaǵdaılar mınıstri ıÝrıı Ilın el aldynda tikeleı baılanys arqyly esep berip jatyr, dep habarlaıdy QazAqparat tilshisi.

«2020 jyly tótenshe jaǵdaılar sany 7%-ǵa azaıyp, 13 985 adam qutqaryldy. Tótenshe jaǵdaı bólimsheleri 71 724 ret kómekke shyǵyp, 19 myń adamdy qaýipti aımaqtan evakýatsııalady. Onyń ishinde 4089 zardap shegýshige alǵashqy medıtsınalyq kómek kórsetildi. Ókinishke qaraı, tótenshe jaǵdaılar men dúleı apattarda adam shyǵyny da boldy. Degenmen, ólim-jitim kórsetkishi 24%-ǵa tómendedi. Naqtyraq aıtsaq, 431 adam qaza taýyp (COVID-19-dy esepke almaǵanda), 1 250 adam zardap shekti, materıaldyq shyǵyn 5 mlrd teńgeden asty. Shyǵyn kólemi 47,4% paıyz artqan», - dedi mınıstr onlaın kezdesýde.