Tótenshe jaǵdaı kezinde halyq bombadan qalaı qorǵana alady

<p>Tótenshe jaǵdaılar mınıstrligi oqys jaǵdaı kezinde kim qaıda panalaıtynyn túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Adamdar elde bombadan qorǵaıtyn baspana bar dep oılaıdy.

Qazaqstannyń azamattyq qorǵaý salasyndaǵy normatıvtik quqyqtyq aktilerinde «bombadan qorǵaný» uǵymy joq.

Bul termınniń ornyna «azamattyq qorǵanystyń qorǵanysh qurylysy» túsinigi qoldanylady.

Búgingi kúni qoldanystaǵy zańnamaǵa sáıkes azamattyq qorǵanys qurylysy tasymaldaýǵa kelmeıtin naýqastardy, sondaı-aq aýrýhanadaǵy medıtsınalyq jáne qyzmet kórsetý personalyn, azamattyq qorǵanys sanatyna jatqyzylǵan uıymdardyń eń úlken jumys aýysymyn qorǵaıdy. 

Sonymen qatar, halyqty qorǵaýdyń birneshe joly bar:

- halyqtyń qarapaıym baspanaǵa tyǵylýy (jertóle, ǵımarattyń jertólesi, saýda úıleriniń, jeke turǵan tereń qurylystardyń, metropolıtenderdiń jerasty parkıngteri);

- evakýatsııalyq sharalardy júrgizý (halyqty qalalardan qala syrtyndaǵy aımaqqa shyǵarý).

Halyqty jınaý úshin, ıaǵnı ony odan ári qaýipsiz aımaqqa shyǵarý úshin zardap shekken halyqty jınaý pýnkteri belgilengen.

Osy pýnkter men olarǵa jetý marshrýttaryn halyq 2gis qosymshasynan taba alady.