Tótenshe jaǵdaı kezinde úıdi satý-satyp alý kelisimderi qalaı rásimdeledi

NUR-SULTAN. QazAqparat – QR Ádilet mınıstrligi elde tótenshe jaǵdaıdyń jarııalanýyna baılanysty turǵyn úıdi satý-satyp alý kelisimderin rásimdeý tártibin túsindirdi, dep habarlaıdy QazAqparat tilshisi.

«Satý jáne satyp alý týraly kelisimsharttar notarıýs arqyly júzege asyrylady. Notarıýspen qashyqtyqtan, ıaǵnı onlaın-rejımde baılanysyp, suraqtar týyndasa da onlaın-rejımde sheship alyp, odan keıin ǵana qol qoıýǵa barǵan durys. Kelisim Biryńǵaı notarıaldyq aqparattyq júıege elektrondy formatta túsedi jáne bul qyzmet túriniń qorytyndysy qyzmet alýshynyń elektrondy poshtasyna keledi», - deıdi QR Ádilet mınıstrligi Tirkeý jáne quqyqtyq qyzmetterdi uıymdastyrý departamentiniń dırektory Baqtygúl Ataǵazıeva.

Al QR Ádilet mınıstri Marat Beketaev notarıýstar sanıtarlyq talaptardy saqtap otyrǵanyn málim etti.

«Olar óziniń jáne klıentteriniń qaýipsizdigin saqtaý úshin qandaı sanıtarlyq sharalar qoldaný kerektigin biledi. Olar Halyqqa qyzmet kórsetý ortalyqtarymen baılanysýǵa, qajetti qujattardy onlaın-rejımde alýǵa jáne eki taraptyń naqty kelisimge kelýine kómektesedi», - deıdi ol.

Sondaı-aq baspasóz máslıhatynda atap ótilgendeı, qazir barlyq anyqtamany «QR Elektrondyq úkimeti» portalynan jeke kabınetke kirý arqyly alýǵa bolady.