Tótenshe jaǵdaı kezinde kókpar tartqandar ustaldy
Oblystyq polıtsııa departamentiniń baspasóz qyzmeti habarlaǵandaı, bul vıdeo áleýmettik jelini baqylaý kezinde anyqtalǵan.
Kókparshylar Shamalǵan aýylynyń Jibek joly kóshesinde keshki 17:00 shamasynda kókpar tartqan.
«Qazir bul oıyndy uıymdastyrǵan adam ustaldy. Ol 27 jastaǵy osy aýyldyń turǵyny bolyp shyqty. Bul kisi tótenshe jaǵdaıdyń qanshalyqty mańyzdy ahýal ekendigin durys túsinbegen sııaqty. Ol kókpardy Naýryz merekesine oraı uıymdastyrǵan. Sonymen qatar, turǵyndar zańǵa qaıshy, ıaǵnı qara joldyń boıynda dodaǵa túsken», – dedi Qarasaı aýdandyq polıtsııa basqarmasynyń basshysy Ashat Danııar.
Bul derek boıynsha QR ÁqbK 476-baby boıynsha ákimshilik is qozǵalyp, Qarasaý aýdandyq ákimshilik sotyna joldandy. Quqyq buzýshynyń áreketine sot baǵa beretin boldy.