Tótenshe jaǵdaı kezinde kimder áleýmettik tólem ala alady
«Bıyl 23 naýryzda Memleket basshysy Qasym-Jomart Toqaev Tótenshe jaǵdaı týraly memlekettik komıssııa otyrysynda tótenshe jaǵdaı saldarynan tabysynan aıyrylǵan adamdarǵa 1 aılyq eńbekaqy mólsherinde tólem jasaýdy tapsyrdy. Atalǵan tólemder ashyq ótedi jáne resmı jumys istegen adamdarǵa tólenetin bolady. QR Eńbek jáne halyqty áleýmettik qorǵaý mınıstrligi osyǵan oraı tıisti ereje qabyldady», - deıdi Nur-Sultan qalasy Jumyspen qamtý jáne áleýmettik qorǵaý basqarmasynyń basshysy Sáýle Nurǵojına.
Ol atalǵan áleýmettik tólemdi kimder ala alatynyn aıtty.
«Áleýmettik tólemdi orta jáne shaǵyn bıznes sýbektilerinde jumys isteıtinder, jumysy toqtap qalǵan jeke kásipkerler ala alady. Tólemdi alý úshin Tótenshe jaǵdaı rejımi engizilgenge deıingi 12 aı ishinde memlekettik áleýmettik saqtandyrý qoryna kem degende úsh aı tólem aýdarylǵan bolýy kerek. Tólem alý týraly ótinish jumys berýshige Elektrondy úkimettiń veb-portaly arqyly jiberiledi. Ol úshin qajetti qujattardyń skanerlengen nusqasy men elektorndy qoltańba kerek», - deıdi ol.