Tótenshe jaǵdaı kezinde keıbir kásiporyndar qorǵanys quraldaryn shyǵarý isine kóshti – QR IIDM

NUR-SULTAN. QazAqparat – Koronavırýs pandemııasy kezinde Qazaqstannyń birqatar kompanııasy qorǵanys quraldaryn óndirýge kómektesti. Bul týrpaly QR Indýstrııa jáne ınfraqurylymdyq damý mınıstri Beıbit Atamqulov aıtyp berdi, dep habarlaıdy QazAqparat tilshisi.

«2020 jyl barlyǵymyz úshin synaqqa aınaldy. Koronovırýs pandemııasy ómirimizge ózgeris ákeldi. Tótenshe jaǵdaı kezinde kóptegen kompanııalardyń, kásiporyndar men uıymdardyń qyzmetin qaıta qaraýǵa týra keldi. Qorǵaý quraldaryna ishki qajettilikti qamtamasyz etý maqsatynda keıbir óńdeýshi ónerkásip salalarynyń qyzmeti qaıta baǵdarlandy», - dedi spıker Ortalyq kommýnıkatsııalar qyzmetinde ótken esep berý brıfınginde.

Mınıstrdiń aıtýynsha, etıl spırtin óndirýshiler dezınfektsııalaý quraldaryn óndirýge kqshti, sonyń arqasynda bir táýlikte 170 myń lıtrge deıin dezınfektsııalaý quraly óndirilgen.

«Tiginmen aınalysatyn kásiporyndar medıtsınalyq maska óndirisin jolǵa qoıyp, onyń kólemin táýligine 200 myń danadan 1 mln danaǵa deıin, ıaǵnı 5 esege ulǵaıtty. Sondaı-aq, biz turmystyq hımııa, úıge arnalǵan tazalaý jáne jýý quraldaryn shyǵara bastadyq», - dedi B. Atamqulov.

Spıker ekonomıkalyq ósimdi qalpyna keltirý maqsatynda Úkimetiń 2020 jyldyń sońyna deıin keshendi jospar qabyldaǵanyn eske saldy. Onda óńdeýshi ónerkásip kásiporyndaryn qoldaý úshin birqatar sharalar kózdelgen.