Tótenshe jaǵdaı kezinde «Atameken» ulttyq kásipkerler palatasy call-ortalyǵynyń telefon nómirleri ózgertildi

NUR-SULTAN. QazAqparat – «Atameken» ulttyq kásipkerler palatasy call-ortalyqtyń telefon nómirleri ózgergenin málimdedi, dep habarlaıdy QazAqparat tilshisi.

«Qazaqstandaǵy tótenshe jaǵdaı rejımi kezinde ınternettiń bolmaýyna jáne baılanys irkilisterine baılanysty palatanyń call-ortalyǵy telefon nómirin ózgertkenin jáne jańa 13 nómir ashqanyn resmı túrde habarlaıdy.

Keri baılanys qolmen basqarý rejımine kóshti. Biz zardap shekken kásipkerlik nysandardyń tizbesin jınaqtaý jumystaryn bastadyq. Derekterdi jınaý jáne óńdeý júrip jatyr», - dep málim etti palatanyń baspasóz qyzmeti.

Qańtardyń 5-inen 6-na qaraǵan túndegi jaǵdaı boıynsha palatanyń call-ortalyǵyna buzaqylyqtar týraly 200 qońyraý túsken. Onyń bári Almaty qalasynan túsken. Bıznesmender bıznes-ortalyqtar, kıim dúkenderi, turmystyq tehnıka, uıaly telefon aksessýarlary, lombardtar men qoǵamdyq tamaqtaný oryndary tonalǵanyn habarlady.

«Atameken» ulttyq kásipkerler palatasy bıznesmenderden tártipsizdikter kezinde kelgen shyǵyn men zalaldyń aýqymyn foto men vıdeo arqyly tirkep, óziniń kompanııasy týraly naqty faktilerdi myna nómirlerge habarlaýdy suraıdy:

[phone];

[phone];

[phone];

[phone];

[phone];

[phone];

[phone];

[phone];

[phone];

[phone];

[phone];

[phone];

[phone].