Tótenshe jaǵdaı kezeńinde salyqty májbúrlep óndirý toqtatyldy
«Shaǵyn jáne orta bıznesti eńbekaqy tóleý qorynan alynatyn salyq jáne áleýmettik tólemderden 6 aıǵa, ıaǵnı aǵymdaǵy jylǵy 1 qazanǵa deıin bosatý qarastyrylǵan. Bul shara týrıstik qyzmet, qoǵamdyq tamaqtaný, qonaqúı bıznesi salalaryn, iri saýda obektilerin, saýda oıyn-saýyq ortalyqtaryn, kınozaldar, teatrlardy, kórmeler men dene shynyqtyrý-saýyqtyrý jáne sport ǵımarattaryn, kólik qyzmetterin, konsýltatsııalyq qyzmetter men aqparattyq tehnologııalardy, tamaq ónimderin ótkizý men dárihanalardy qospaǵanda saýda sýbektilerin qamtıdi», - dedi mınıstr.
Onyń atap ótýinshe, salyqtyq ákimshilendirý bóliginde 2020 jyldyń 1 maýsymyna deıin shaǵyn jáne orta bıznes sýbektileri úshin barlyq salyqtar men bıýdjetke tólenetin mindetti tólemderdi jáne áleýmettik jarnalardy tóleýdi keıinge qaldyrý sharasy engizildi.
«Budan basqa, tótenshe jaǵdaı kezinde salyqtyq tekserýler men salyq, keden jáne áleýmettik tólemder boıynsha bereshekti májbúrlep óndirý toqtatyldy. Jalpy, joǵaryda kórsetilgen barlyq sharalar 700 myń salyq tóleýshini qamtıdy», - dedi Rýslan Dálenov.