Tótenshe jaǵdaı: Aıagóz garnızonynda jaǵdaı qalaı

NUR-SULTAN. QazAqparat – Aıagóz garnızony, «Ońtústik» áskerı qalashyǵynda tótenshe jaǵdaı rejımi kezindegi qalypty turmysty áskerı qyzmetshiler qamtamasyz etip tur, dep habarlaıdy QazAqparat tilshisi.

Bul týraly Qorǵanys mınıstrliginiń baspasóz qyzmeti taratqan málimette aıtylǵan.

«Aıagóz garnızony, «Ońtústik» áskerı qalashyǵyndaǵy turǵyndardyń ómir tirshiligi elimizdegi respýblıka boıynsha bolyp jatqan jaǵdaılarǵa qaramastan, turaqty. «Oństútik» áskerı qalashyǵynyń aımaǵyn áskerı qyzmetshiler kúzetip tur. Saqtyq sharasy joǵary deńgeıde kórsetilgen. Qalashyqta ornalasqan dúkender men saýda ortalyqtary shtattyq rejımde jumys istep tur», - deıdi áskerı qyzmetshi.

Turǵyndar áskerılerdiń qalashyqtaǵy tynyshtyqty múltiksiz kúúzetip jatqany úshin alǵystaryn bildirdi.

«Qazirgi tańda qalashyǵymzda tynyshtyq saqtalýda. Bizdiń áskerıler kún demeı, tún demeı óz jumystaryn atqaryp jatyr. Olarǵa alǵysymyz sheksiz. Óz jumysymyzdy kúndelikti jalǵastyryp jatyrmyz», - dedi dúken satýshylarynyń biri.

Taǵy bir turǵyn elde tótenshe jaǵdaı rejımi jarııalanǵanyna qaramastan, qalashyq turǵyndarynyń kóńilinde úreı joq ekenin aıtady.

«Qazirgi tańda bizdiń qalashyqta dál burynǵydaı tynyshtyq ornaǵan. Áskerı qyzmetshiler óz qyzmetin atqaryp tur. Blokpostar bekitýli. Halyq eshqandaı úreıge boı aldyrmaǵan. Baıaǵysha tynysh ómir súrip jatyr. Áskerı qyzmetshilerge úlken alǵys aıtamyz», - deıdi qalashyq turǵyny.