Tótenshe jaǵdaı: Alaıaqtardan qalaı qorǵaný kerek

NUR-SULTAN. QazAqparat –QR Qarjy naryǵyn retteý jáne damytý agenttigi qazaqstandyqtarǵa tótenshe jaǵdaı kezinde alaıaqtardyń áreketteri kóbeıýi múmkin ekendigin eskertti, dep habarlaıdy QazAqparat.

Sondyqtan Agenttik túrli zańsyz áreketterden saqtanýdyń joldaryn usynady.

1-tásil: Parol men kodty eshkimge bermeý

Eshkimge eshqashan paroldi, kodtardy nemese tólemderdi rastaý úshin paıdalanylatyn ózge de qupııa derekterdi aıtpańyz. Qaýipsizdiktiń zamanaýı júıeleri paroldar men kodtardy basqa adamdarǵa berilmeıtindeı etip jasaıdy.

2-tásil: Silteme jiberetin beıtanys adamdardyń URL-mekenjaılaryn tekserý

URL-mekenjaılaryn tekserińiz. Ásirese beıtanys jiberýshilerden alynǵan siltemelerdi tekserińiz. Alaıaqtar kóbinese jazylýy boıynsha uqsas domendi paıdalanady.

3-tásil: saıtarda HTTPS:// prefıksiniń bolýyn tekserý

Qupııa aqparatty, mysaly, parol engizýdi qajet etetin saıtarda HTTPS:// prefıksiniń bolýyn tekserińiz.

4-tásil: Braýzer habarlamasyna nazar aýdarý

Zamanaýı braýzerlerdiń kóbinde fıshıng-shabýyldarǵa qarsy is-qımyl tetikteri bolady. Qaýip-qater týraly braýzerdiń habarlamasyna nazar aýdarý qajet.

5-tásil: Shotyńyzdy buǵattaý úshin kod surasa – sóılesýdi toqtatý

Eger siz óz bankińizdiń ınternet-bankıngi júıesinde, ásirese tólemder jasaýǵa nıettenseńiz jáne uıymnyń saıty nemese paraqshasy feık eken dep kúmándansańyz – sol uıymmen baılanysyp, aqparatty naqtylańyz. Banktegi menedjerler klıentke birinshi bolyp qońyraý shalmaıdy. Eger qońyraý shalyp, sizdiń shotyńyzdy buǵattaý úshin SMS kod surasa, telefonmen sóılesýdi toqtatyp, birden bankke habarlasyńyz. Qol qoıatyn barlyq qujattardy muqııat oqyp, kórsetilgen derekterdiń durystyǵyn salystyryńyz.

Eske sala ketsek, buǵan deıin tótenshe jaǵdaı kezinde alaıaqtar qoldanatyn 5 tásil týraly jazǵan bolatynbyz.