Toshiba Reseıden tapsyrys alýyn toqtatady

NUR-SULTAN. QazAqparat – Japondyq Toshiba elektr-tehnıka korporatsııasy Reseı Federatsııasy aýmaǵynan tapsyrys alýyn, sondaı-aq barlyq ınvestıtsııalardy toqtatynyn málimdedi, dep habarlaıdy QazAqparat TASS aqparat agenttigine silteme jasap.

Bul týraly kompanııanyń saıtynda sársenbi kúni jarııalanǵan málimdemesinen belgili boldy

«Biz jaǵdaıdy únemi baqylaýda ustap, janjaldyń tez arada sheshiletinine úmittenemiz», - delingen habarlamada. Sondaı-aq, korporatsııa atynan halyqaralyq uıymdar arqyly Ýkraınaǵa gýmanıtarlyq kómek retinde 100 mıllıon ıen (774 myń dollar) jiberiletini atap ótilgen.

Sonymen qatar, kompanııa Reseı Federatsııasyndaǵy qyzmetinen túsken paıdasy ótken qarjy jylyndaǵy jalpy kiris deńgeıiniń shamamen 0,2%-yn quraǵanyn jazady.

Búginde Reseıde resmı tirkelgen japondyq kompanııalardyń úshten bir bóliginen kóbi Ýkraınadaǵy jaǵdaıǵa baılanysty Reseıden ketip nemese eldegi qyzmetin toqtatty. Olardyń ishinde Toyota Motor, Nissan Motor jáne Bridgestone avtokólik óndirýshileri, álem boıynsha eń iri shına óndirýshilerdiń biri Bridgestone bar. Sondaı-aq Fast Retailing Co. kompanııasy elde Uniqlo kıim dúkenderiniń jabylatynyn habarlady.