Tórtinshi jeńis: «Barys» syrt alańda «Lokomotıvten» basym tústi

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn Reseıde &laquo;Lokomotıv&raquo; (ıAroslavl) komandasyna qarsy ótkizdi, dep habarlaıdy <a href="Kazinform." target="_blank" rel="noopener">Kazinform.</a></p>

Elordalyq komanda buǵan deıingi úsh týrda jaqsy oıyn órnegimen kózge tústi. Qatarynan úsh márte jeńiske jetip, týrnır kestesindegi jaǵdaıyn edáýir jaqsartyp aldy. Sodan da shyǵar syrt alańdaǵy oıyn aldynda jankúıer kóńilinde jeńisti joldy tórtinshi ret jalǵastyra ala ma degen saýal turdy. 

«Lokomotıv» te osal qarsylas emes. Reseılik klýb 44 oıynnan keıin 63 upaımen 2 orynda keledi. Esesine «Barys» týrnır kestesinde 45 oıynnan keıin 37 upaımen 19 orynǵa jaıǵasqan. 

Kezdesý basynan reseılik klýb birden shabýylǵa kóshti. Nátıjesinde olardyń qatarynan Aleksandr Polýnın 7, Aleksandr Elesın 9-mınýtta mergendik tanytty. Al elordalyq komandadan Entonı Kamara 19-mınýtta esep aıyrmasyn qysqartty. Ol qatarynan jeti oıynda shaıba soǵyp, úzdik oıynymen kózge tústi. 

Odan keıin Davıd Sklenıchka 25-mınýtta tarazy basyn teńestirse, oıynnyń 37-mınýtynda Djozef Labeıt «Barysty» esepte alǵa shyǵardy. 50-mınýtta «Lokomotıv» sapynan Aleksandr Volkovtyń golynan keıin qaıtadan tarazy basy teńesse, Entonı Kamara 55-mınýtta kezdesý barysyndaǵy óziniń ekinshi shaıbasyn soqty. 

Reseılik klýbtan Rýshan Rafıkov 58-mınýtta kózdegen nysanadan múlt ketken joq. Osylaısha negizgi kezeń 4:4 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte elordalyq klýbtyń joly boldy. Nátıjesinde qazaqstandyq komanda qarsylasyn 5:4 esebimen jeńip ketti. 

Bul - elordalyq klýbtyń qatarynan tórtinshi jeńisi. 

Endi «Barys» aldaǵy oıynyn 5 qańtarda Reseıde «Traktor» (Chelıabi) komandasyna qarsy ótkizedi.

Eske salsaq, budan buryn «Barys» aldaǵy oıyndarǵa qatysatyn quramyn jarııalaǵan bolatyn.