Tórtinshi munaı óńdeý zaýytynyń qurylysy nege 2030 jylǵa shegerildi

<p>ASTANA. KAZINFORM &mdash; Májiliste ótip jatqan Úkimet saǵatynda Energetıka mınıstri Almasadam Sátqalıev tórtinshi munaı óńdeý zaýytynyń qurylysyn nege 2030 jylǵa shegergenin túsindirdi.</p>

Májilis depýtaty Samat Musabaev mınıstrge nelikten tórtinshi munaı óńdeý zaýytyn salý jobasy jyl saıyn keıin shegerilip jatqanyn surady.

«Tórtinshi munaı óńdeý zaýytyn 2027 jyly bastap 2030 jyly aıaqtaýǵa bolmaı ma?», — dep surady depýtat.

Almasadam Sátqalıevtiń sózinshe, bul Úkimettiń uzaq merzimdi josparyna baılanysty.

«Qazir bizdegi munaı óńdeý zaýyttarynyń jyldyq qýaty — 18 mln tonna. Biz osy qýatty 26 mln tonnaǵa deıin jetkizýdi josparlap otyrmyz. Munyń bári 2030 jylǵa deıin dep mejelengen. Naqty jospar, kelisim, qarajat bar. ıAǵnı, oryndaýǵa tolyq múmkindik qarastyrylǵan. Bul baǵdarlama munaı ónimderiniń qajettiligin tolyq jaýyp qana qoımaı, eksport áleýetin týyndatady», — dedi ol.

Vedomstvo basshysy 2030 jylǵa qaraı elde elektr toǵymen júretin kólikterdiń úlesi artýy múmkin ekenin aıtty. ıAǵnı, munaıdan óńdeletin janarmaıǵa suranys azaıýy da múmkin.

«Tórtinshi munaı óńdeý zaýyty týraly aıtsaq, nege 2030 jyldan keıin dep otyrmyz? Óıtkeni 2030 jylǵa deıin búkil qajettilik tutas jabylady. Jańa zaýytty salý sheshimi osy jumystardyń qorytyndysy boıynsha jasalatyn tehnıkalyq-ekonomıkalyq negizdeme arqyly qabyldanady. ıAǵnı, 2030 jylǵa qaraı munaı óńdeý qýatymyz qansha kólemde bolatynyn túsinýimiz kerek. Shynyn aıtqanda elimizde elektrmen júretin kólik sany qalaı ózgeretini ázirge túsiniksiz. Bul zaýytty janarmaı óndirisine baǵyttaımyz ba, álde, munaı-gaz-hımııa jaǵyna basymdyq beremiz be? Osynyń bári salmaqty zertteýdi qajet etedi. 2030 jylǵa qaraı, úsh jyldyń ishinde osy saıasat túsinikti bolady», — dedi Almasadam Sátqalıev.

Sondaı-aq, ol 2030 jylǵa qaraı Qazaqstanda munaı óndiretin alpaýyt ınvestorlardyń ónimdi bólisý kelisimshartyn qaıta qaraıtyn kezeń jaqyndaıtyny eske saldy.

«Bul kezeńde kelissózderdi bastaımyz, ónimdi bólisý kelisimderiniń ýaqyty da aıaqtalatyn ýaqyt ta jaqyndaıdy. Osy resýrstardy da paıdalana alamyz. Úkimettiń bul másele boıynsha kózdegeni bar. Zaýyt qurylysynyń merzimi bar. Jobalaý aıaqtalǵannan bastap 36 aıdyń ishinde salynyp bitý kerek. ıAǵnı, 2030 jyldan 2040 jylǵa deıin degen kókjıek belgilep otyrmyz. Bul zaýytty 10 jyl boıy salamyz degen sóz emes. Osy 10 jyldyń ishinde bizge jańa zaýyt kerek degen sóz», — dedi mınıstr.

Buǵan deıin habarlaǵanymyzdaı, Parlament Májilisindegi Úkimet saǵatynda depýtat Baqtyqoja Іzmuhambetov jańa munaı ken oryndaryn barlaýǵa tym az qarajat baǵyttalyp jatqanyn aıtty.