Tórt jylda Prezıdenttik testini tapsyrýǵa 7,6 mıllıon adam qatysty - Ashat Oralov

ASTANA. QazAqparat – 2020 jyldan bastap el boıynsha Prezıdenttik testini tapsyrýǵa 7,6 mıllıon adam qatysty. Bul týraly Úkimet otyrysynda Mádenıet jáne sport mınıstri Ashat Oralov aıtty, dep habarlaıdy QazAqparat tilshisi.

«Dene shynyqtyrý jáne sportpen shuǵyldanatyn azamattardyń aýqymyn keńeıtýdiń mańyzdy bir quraly - Prezıdenttik testilerdi tapsyrý. Máselen, 2020 jyldan bastap el boıynsha testini tapsyrýǵa 7,6 mıllıon adam (2020 jyly – 1,2 mln adam, 2021 jyly – 2,6 mln adam, 2022 jyly – 3,8 mln adam) qatysty. Nátıjesinde, qazir elimizde dene shynyqtyrý jáne sportpen aınalysatyndardyń deńgeıi jalpy halyq sanynyń 38,5 % (7,5 mln-nan astam adamdy) qurady», - dedi A. Oralov.

Onyń aıtýynsha, balalardyń buqaralyq sportpen jáne dene shynyqtyrýmen turaqty shuǵyldanýyna jiti nazar aýdarylyp otyr.

«Osy maqsatta elimizde balalar men jasóspirimder klýbtarynyń jalpy sany 800-den astam. Oqý-aǵartý mınıstrliginiń jelisi boıynsha 2022-2023 oqý jylynda qosymsha bilim berý baǵdarlamasy aıasynda mektepterde 49 myńnan astam sport sektsııasy jumys istep, oǵan 1,3 mln-ǵa jýyq bala qatysty», - dedi mınıstr.

Budan buryn habarlanǵandaı, jylda Qazaqstanda 1,2 mln adamdy qamtıtyn túrli deńgeıdegi sporttyq-buqaralyq is-shara ótkiziledi.