Tórt jylda Qyzylorda balyǵynyń eksporty 3 ese artty
«SARATS» jobasynyń birinshi kezeńiniń iske qosylýynyń arqasynda balyq sharýashylyǵy serpindi damýda. Sońǵy eki jyl qatarynan Aral aýdanynyń Qambash kóli jaǵalaýynda balyqshylar sletin ótkizip kelemiz. 2016 jyly óńirdiń balyq salasy ókilderi saltanatty sharany el Táýelsizdiginiń 25 jyldyǵyna arnady. Óıtkeni, osy jyldary aımaqtyń balyq sharýashylyǵy qarqyndy damydy», - dep atap ótti oblys basshysy.
Nátıje óz jemisin berdi. Sońǵy 4 jylda ǵana balyq óndirý kólemi 65 paıyzǵa ósip, ony óńdeý kólemi 2,5 ese, balyq ónimderiniń eksporty 3 esege artty. 2016 jyly qańtar aıynda «Baıqońyr» ÁKK qatysýymen Aral aýdanynyń Qarashalań eldi mekeninde jyldyq qýattylyǵy 900 tonna bolatyn balyqty servıstik daıyndaý ortalyǵy paıdalanýǵa berildi.
Sonymen birge, qyzylordalyq kásipkerler reseılik áriptesterimen birlesip Ýlıanov oblysynan balyq óńdeıtin zaýyt salyp, búginde Reseı naryǵynda belsendi eńbek etýde.
«Biz, árıne, «SARATS» jobasynyń ekinshi kezeńine úlken úmit artamyz. Sondyqtan Úkimetpen birlesip osy fazany tezdetip júzege asyrýǵa jumys jasaýdamyz. Ústimizdegi jyldyń aqpan aıynda Shymkent qalasynda qazaq-ózbek jumys tobynyń ekinshi májilisi ótýi tıis, sonda ózbek jaǵynan Dúnıejúzilik bank arqyly ekinshi fazanyń jobasy máselesin kelisýge sheshim qabyldanady dep kútilýde», - dedi Qyrymbek Kósherbaev.