Tórt jambyldyq sýbsıdııaǵa bólingen 900 mln teńgeni jymqyrǵan

<p>Jambyl oblysy prokýratýrasynyń úılestirýimen oblystyq Ekonomıkalyq tergep-tekserý departamenti tańqýraıdyń elıtalyq sortyn otyrǵyzýdy sýbsıdııalaýǵa bólingen bıýdjet qarajatyn jymqyrýdyń qylmystyq shemasyn anyqtady, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Nátıjesinde sharýa qojalyqtardyń jer telimderinde tańqýraı otyrǵyzylmaǵany, kóshetter múldem satyp alynbaǵandyǵy belgili boldy.

"Ózderiniń qylmystyq áreketterimen 4 adamnan turatyn top 2 jyl ishinde memleketke 900 mln teńgeden astam shyǵyn keltirgen.

Bıylǵy 7 sáýirde osy fakti boıynsha Qylmystyq kodekstiń 190-babynyń 4-bóliginiń 2-tarmaǵy, 216-babynyń 3-bóligi jáne 218-babynyń 2-bóliginiń 2-tarmaǵymen sotqa deıingi tergep-tekserý bastaldy.

Tergeý barysynda barlyq kúdiktiler qamaýǵa alynyp, olardyń jalpy quny 1,9 mlrd teńge quraıtyn múlkine tyıym salyndy.

Al 12 qyrkúıek kúni qylmystyq is aıyptaý aktisimen aıaqtalyp, negizinen qaraý úshin sotqa joldandy", - dep jazdy prokýratýradan.

Qylmystyq-protsestik kodekstiń 201-babyna sáıkes ózge málimetter jarııalaýǵa jatpaıdy.