Tórt myńǵa jýyq aqmolalyq Pfizer vaktsınasynyń birinshi komponentin aldy

KÓKShETAÝ. QazAqparat - Aqmola oblysynda 3977 adam Pfizer vaktsınasynyń birinshi komponentin aldy, onyń 117 júkti áıel, 975 bala emizetin jáne 2885 jasóspirim. Bul týraly brıfıng barysynda óńirdiń bas memlekettik sanıtarlyq dárigeri Aınagúl Mýsına aıtty, dep habarlaıdy QazAqparat tilshisi.

Bas dárigerdiń málimetinshe, Aqmola oblysynda bes vaktsınanyń birinshi komponenti 329972 adamǵa egildi, bul tıisinshe halyqtyń 68,9 paıyzy jáne jalpy halyqtyń 44,9 paıyzy. Barlyq bes vaktsınanyń ekinshi komponentin 299789 adam aldy, ol egýge jatatyn halyqtyń jalpy sanynan 62,5 paıyzyn, jalpy sanynan halyq sany 40,8 paıyzdy quraıdy. Óńirde qarasha aıynan beri vaktsınatsııa qarqyny eki esege artqan.

«Pfizer shyǵarǵan Komırnatı vaktsınasynyń alǵashqy dozasymen 3977 adam vaktsınatsııalandy, onyń ishinde 117 júkti áıel, laktatsııa kezeńinde 975 áıel jáne 12 jastan 17 jasqa deıingi 2885 jasóspirim. Ekinshi doza 1560 adamǵa egildi, onyń ishinde 21 júkti áıel, laktatsııa kezeńindegi 319 áıel jáne 1220 jasóspirim. Vaktsınaǵa jaǵymsyz reaktsııalar tirkelgen joq», - dep bólisti óńirdiń bas memlekettik sanıtarlyq dárigeri.

Sonymen qatar, Aqmola oblysynda qazirdiń ózinde erikti negizde 19271 adam qaıta vaktsınatsııalandy.