Tórt mınıstrlik arhıvke tapsyrylýy tıis qujattardy jıi joǵaltady

ASTANA. QazAqparat – Mádenıet jáne sport mınıstrligi arhıvke tapsyrylýy tıis qujattardy jıi joǵaltatyn vedomstvolardy atady, dep habarlaıdy QazAqparat tilshisi.

«Jergilikti atqarýshy organdardyń saraptamalyq-tekserý komıssııalarynyń otyrystarynda qujattardyń joǵalý faktileri anyqtalady. Buǵan biliktiligi tómen mamandardyń qujattardy sapasyz retke keltirýi sebep. Máselen, Ádilet mınıstrliginiń úsh qurylymdyq bólimshesinde 2010-2016 jyldary 317 qujat joǵalý faktisi anyqtaldy. Aýyl sharýashylyǵy mınıstrliginde - 195, Indýstrııa jáne ınfraqurylymdyq damý mınıstrliginde - 47, Qarjy mınıstrliginde - 4 qujat joǵalǵan. Bul osy uıym qyzmetkerleriniń jumys ótilin, jalaqy mólsherin jáne zeınetaqy qoryna aýdarymyn rastaı almaýyna ákep soǵady», - delingen mınıstrlik derekterinde.

Sonymen birge, búginde arhıv qujattarynyń 97,8% órt qaýipsizdigi tómen ǵımarattarda saqtaýly turǵany málim boldy.

Taǵy bir másele – elimizdegi muraǵattarda qujat qabyldaıtyn oryn tapshy.