Tórt bastamashyl top partııa qurý úshin qujattaryn Ádilet mınıstrligine tapsyrǵan

ASTANA. QazAqparat – Elimizde taǵy 4 bastamashyl top partııa qurýǵa qajetti qujattardy tapsyrdy. Bul týraly Ádilet mınıstrligi tirkeý qyzmeti jáne zańgerlik qyzmetterdi uıymdastyrý departamentiniń dırektory Alan Tilenshıev aıtty, dep habarlaıdy QazAqparat tilshisi.

Onyń atap ótýinshe, keshe «Qazaqstannyń halyq kongresi» partııasyn qurmaq bolyp júrgen bastamashyl toptyń habarlandyrýyna rastaý berildi.

Endi bastamashyl top sezd ótkizip, keminde 5 myń jaqtasyn jınaýy qajet. Bul jumystarǵa 3 aıǵa deıin ýaqyt beriledi.

«Qujattardyń bári daıyn bolǵannan keıin Ádilet mınıstrligine kelip túsedi. Mınıstrlik ol qujattardy tekseredi. Jalpy ýaqyty - 1 aı. Sondyqtan sheshimdi jedel qabyldaý bastamashyl topqa baılanysty», - dedi ol Ortalyq saılaý komıssııasynda ótken baspasóz máslıhatynda.

Alan Tilenshıevtiń dereginshe, qazirgi ýaqytta Ádilet mınıstrliginde «El taǵdyry», «Urpaq jalǵastyǵy», «Yntymaq» jáne «Qazaqstannyń halyq kongresi» partııalaryn tirkeýge qatysty qujattar qaralyp jatyr.