«Tórt aǵaıyndy» isi: Munaı kompanııasynyń ókilderi munaı urlanǵanyn tergeýshilerden bildi
Aqtóbe oblystyq qylmystyq ister jónindegi mamandandyrylǵan aýdanaralyq sotynda «tórt aǵaıyndy» uıymdasqan qylmystyq tobyna qatysty is qaralyp jatyr. «Saǵyz Petroleým» JShS-niń ortalyq ınjenerlik-tehnıkalyq qyzmetiniń basshysy Amangeldi Basenov ózi jumys istegen jyldary munaı urlyǵy tirkelmegenin, bárin tergeýshilerden estiginin ashyq aıtty.
«Men «Saǵyz Petroleým» JShS-de Qaǵanaı, Aşykól ken oryndaryn baqylaımyn. Bizde barlyǵy 150 uńǵyma bar. Al Qaǵanaıda bar bolǵany 5 uńǵyma jumys istedi. Bul jerde munaı az óndirildi. Bar bolǵany 40 tekshe metr shıki munaı óndirilse, onyń 30 tekshe metri munaı, qalǵany sý boldy. Qaǵanaıda munaı óndirý tıimsiz bolsa da kompanııa jumysty toqtatpady. Ken orny qorshalmaǵan, biraq ol jerde kúzet bar»,- dedi kýáger Amangeldi Basenov.
Sot otyrysy kezinde kýáger A. Basenov 2015-2016 jyldary munaı urlyǵy múlde tirkelmegenin jasyrmady.
«Sol jyldary bizde munaıdy ólsheıtin arnaıy eseptegish quraly bolmady. Bári eski ádispen, syzǵyshpen ólshenedi. Shyn máninde munaı artyq óndirilip, operator burynǵy ólshemmen jazýy múmkin. Biraq biz ony bilmedik. Munaıdyń urlanǵanyn tergeýshiler aıtty»,- dedi A.Basenov.
Aıta keteıik, «Saǵyz Petroleým» JShS-nen 86 280 tonna munaı urlanǵan. Jalpy shyǵyn 11 mıllıon teńgeden asyp otyr. Munaı urlyǵy týraly aryzdy kompanııalar jazbaǵan soń olar ózderin sot otyrysynan bosatýy surady.