ASTANA. KAZINFORM - Shaıbaly hokkeıden Qazaqstan chempıonaty fınalyna joldama alǵan eki komanda anyqtaldy.
Ekinshi jartylaı fınalda óskemendik «Torpedo» men ózbekstandyq «Hýmo» komandalary kezdesti. Alty oıynnyń nátıjesimen qarsylastar 3:3 esebimen teń turǵan edi.
Búgingi kezdesý fınalǵa qaı komandanyń shyǵatynyn anyqtaıtyn. Sondyqtar olar tartysty oıyn ótkizdi. Kezdesý barysynda qazaqstandyq komanda qarsylasyn 4:3 esebimen tize búktirip, fınalǵa joldamany qaltaǵa basty.
Osylaısha jalpy serııada óskemendik klýb alǵa shyqty.
«Torpedo» Qazaqstan chempıonatynyń turaqty kezeńinde 40 kezdesýden keıin 58 upaı jınap, ekinshi oryn aldy.
Endi olar fınalda kókshetaýlyq «Arlan» komandasymen kezdesedi.
Olar jartylaı fınalda qaraǵandylyq «Saryarqany» 7:1 esebimen tize búktirdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.