Tornado AQSh-tyń Jańa Orlean qalasyn qıratyp ketti

JAŃA ORLEAN. QazAqparat – Jańa Orleannyń (AQSh, Lýızıana shtaty) shyǵys jaǵynda qatty tornado bolyp, kem degende bir adam mert boldy jáne segizi zardap shekti. Sondaı-aq, úıler qırap, elektr jelilerin túbimen julyp áketken, kólikter aýdarylǵan, dep habarlaıdy QazAqparat Reuters-ke silteme jasap.

Seısenbi kúni 19:30-da Sen-Bernar okrýgi Arabı aýdanynda quıyn tárizdi túnergen surapyl qara bult ǵımarattardy jermen jeksen etip, kólikterdi aýdarǵan.

Qutqarýshylar 26 jastaǵy er adamnyń máıitin úıiniń aldynan tapqan, taǵy segiz adam aýrýhanaǵa jeńil jaraqatpen jetkizildi.

Ulttyq meteorologııa qyzmetiniń meteorologtary zalaldy zerttep, tornadonyń Fýdzıty bes baldyq shkalasyna sáıkes EF3 bolǵanyn málim etti. Jeldiń jyldamdyǵy saǵatyna 136-dan 165 mıl bolǵan.