Torǵaılyqtarǵa 1% nesıe qashan berile bastaıdy – oblys ákiminiń jaýaby

<p>Qostanaı oblysynyń ákimi Qumar Aqsaqalov búgin Ortalyq kommýnıkatsııalar qyzmetinde ótken brıfıngte Torǵaı halqyna 1 paıyzdyq mólsherlememen nesıe qashan berile bastaıtynyn aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Brıfıng kezinde jýrnalıst Torǵaı óńiriniń turǵyndaryna 1 paıyzdyq nesıe berý týraly ýáde qashan oryndalatynyn surady.

«1,5 mlrd teńge 1 protsentpen bólindi. Qazir Jangeldi, Amangeldi aýdandary men Arqalyq qalasynyń kásipkerleri búkil qujattaryn daıyndap, tapsyryp jatyr. Qarajatymyz daıyn. Jańaǵy qujattaryn bitirip, tapsyrsa, qarjylandyrýǵa daıynbyz», – dedi Qumar Aqsaqalov.

Sondaı-aq oblys basshysy Rýdnyı qalasyndaǵy qazaq mektepteriniń tapshylyǵy qalaı sheshiletinin aıtty.

«Rýdnyı qalasynda eki mektep salynyp jatyr. Bul – qazaq mektepteri. Sondyqtan bul másele de kezeń-kezeńimen sheshiledi», – dedi Qostanaı oblysynyń ákimi.