Tórehan Sabyrhan Azııa chempıonatynda qarsylasyn merziminen buryn jeńdi

<p>Qazaqstandyq boksshy Tórehan Sabyrhan Astanada ótip jatqan bokstan jastar men jasóspirimder arasyndaǵy Azııa chempıonatynda merziminen buryn jeńiske jetti. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.sports.kz/news/titulovannyiy-brat-kazahskogo-lomachenko-ustroil-izbienie-snokautom-video" target="_blank" rel="noopener">Sports.kz</a>-ke silteme jasap habarlaıdy.&nbsp;</p>

63,5 keli salmaq dárejesinde ótken týrnırdegi alǵashqy jekpe-jeginde Sabyrhan ırandyq boksshy Seıedalıakbar Mırahmadıbabaheıdarımen kezdesti. Qazaqstandyq boksshy eki raýnd boıyna senimdi túrde basymdyq tanytyp, úshinshisinde qarsylasyn nokdaýnǵa túsirdi.

Osylaısha Tórehan Sabyrhan qurlyq birinshiligin jeńispen bastady.

Aıta keteıik, Tórehan – «qazaqtyń Lomachenkosy» atanǵan Mahmud Sabyrhannyń inisi. Tórehan Sabyrhannyń jetistikterine kelsek, ol jasóspirimder arasyndaǵy Azııa chempıonatynda eki ret jeńiske jetken.