TÓREǴOJIN ZEINOLLA SEITJANULY

Tóreǵojın Zeınolla Seıitjanuly (1899-1938) - qoǵam qaıratkeri, saıası qýǵyn-súrgin qurbany. Atbasar ýezi Qyzylkók bolysynda dúnıege kelgen (qazirgi Aqmola oblysy).

Atbasardaǵy 2 synypty orys-qazaq ýchılışesin, Muǵalimder kýrsyn, Máskeýdegi saýda akademııasyn bitirgen.

1921-1922 jyldary - Atbasar ýezdik partııa komıtetiniń hatshysy, uıymdastyrý bólimi meńgerýshisiniń orynbasary, azyq-túlik jónindegi komıssardyń orynbasary. 1922-1924 jyldary - Aqmola gýbernııalyq jer bólimi meńgerýshisiniń orynbasary, Aqtóbe ýezdik atqarý komıtetiniń tóraǵasy bolǵan. 1924-1927 jyldary - Aqmola gýbernııalyq kásipodaq keńesi tóraǵasynyń orynbasary, gýbernııalyq syrtqy saýda bóliminiń meńgerýshisi, Qyzyljar ólkelik memlekettik bank keńsesi basqarýshysynyń orynbasary, 1927-1928 jyldary Máskeýde BOAK tóralqasyndaǵy Qazaqstannyń ókiletti ókili boldy. 1930-1931 jyldary -Qazaq jabdyqtaý halyq komıssarıatynyń alqa múshesi, Qazaq AKSR-i memlekettik saýda basqarmasynyń tóraǵasy. 1931-1935 jyldary - Almaty oblysy Іle aýdandaǵy qoı keńsharynyń dırektory, bosqyńdardy ornalastyrý jónindegi Qazaq AKSR-i HKK komıssııasynyń múshesi, Shyǵys Qazaqstan oblysy Pavlodar aýdanynyń qoı keńsharynyń dırektory, Aqtóbe qoı ósirý trestiniń dırektory, 1936-1937 jyldary - Qazaq AKSR-iniń keńsharlar halyq komıssarynyń orynbasary qyzmetterin atqarǵan. 1937 jyly saıası qýǵyn-súrginge ushyrap. 1957 jyly mamyrda aqtalǵan.

Derek kózi:

Qazaqstan ulttyq entsıklpedııasy,8 tom.