Tóreǵalı Tóreáli Almaty oblysyndaǵy túrmege bardy

ALMATY OBLYSY. QazAqparat - Elimizdiń barlyq óńirindegi qylmystyq-atqarý júıesi mekemelerinde Jeńis kúnine arnalǵan ártúrli sharalar ótti, dep habarlaıdy QazAqparat.

QR ІІM Qylmystyq-atqarý júıesi komıtetiniń baspasóz qyzmetinen málim etkendeı, búgin ánshi Tóreǵalı Tóreáli men akter, ánshi Erbolat Tólegenov Almaty oblysynda ornalasqan LA-155/8 kolonııasynda bolyp, qaıyrymdylyq kontsertin berdi.

«Jeńis kúni - barlyq adamdy biriktiretin mereke. Búgin ony barshamyz, sonyń ishinde jazasyn ótep jatqandar da atap ótýde. Bizge Tóreǵalı Tóreáli bastaǵan estrada juldyzdary kelip, qaıyrymdylyq kontsertin ótkizdi. Kóbisi mundaıdy kútpegen edi. Sebebi buryn ánshini teledıdardan ǵana kórgen. Óz kezeginde jazasyn óteýshiler oǵan óz qoldarymen jasaǵan kádesyılardy tartý etti», - dedi QAJ-dyń Almaty oblysy boıynsha departamentiniń LA-155/8 mekemesi bastyǵy M.Arystanov.

Atap ótilgendeı, Jeńis kúni túzeý mekemelerinde jyl saıyn atap ótiledi. Bıyl Pavlodar oblysyndaǵy kolonııalarda mereke erekshe bolǵan. Sebebi sottalǵan azamattar búgin ótken «Batyrlarǵa taǵzym» sherýine qatysqan. Sherýge 300-ge jýyq jazasyn óteýshi shyqqan.