Tóreǵalı Tóreáli Almatyda kóshe sypyryp júr

<p>Sot úkimimen 40 saǵat qoǵamdyq jumysqa tartylǵan ánshi Tóreǵalı Tóreáli Almaty qalasyndaǵy saıabaqtardyń birinde jumys istep jatyr, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq ánshi áleýmettik jelidegi paraqshasyna vıdeo júktep, ár adam zańǵa baǵynýǵa mindetti ekenin aıtty.

«Sot úkimi boıynsha men 40 saǵat qoǵamdyq jumysqa tartyldym. Túske deıin saıabaqty tazaladyq. Bul – meniń Táýelsiz Qazaqstanym, Otanym, elim, jerim. Álbette, Ánurany bar, kók Týy bar eldiń mindetti túrde zańy bolady. Ol zańǵa baǵynýymyz kerek. Uly dala balasy, uly dalasyn sypyryp, tazalap jatyr», – dedi Tóreǵalı Tóreáli.

Eske sala keteıik, 14 maýsym kúni Almatyda esirtkige elitken T.Tóreáli polıtseılerge boı bermeı, oqıǵaǵa ornynan qashpaq bolǵan edi.

Patrýldik polıtseıler ánshini ustap, medıtsınalyq saraptama nátıjesinde onyń esirtki qabyldaǵany rastaldy. Sol kúni Tóreáli ákimshilik jaýapqa tartyldy. Ol 20 táýlikke qamaýǵa alynyp, 7 jylǵa kólik júrgizý quqyǵynan aıyryldy.

Keıin Almaty qalalyq sotynyń baspasóz qyzmeti Tóreǵalı Tóráliniń qamaýda ustaý ákimshilik jazasy 17 shilde kúni aıaqtalǵanyn málimdedi.

Al 22 qyrkúıek kúni Almaty qalasynyń Túrksib aýdandyq soty ánshini ekinshi quqyqbuzýshylyq boıynsha jazaǵa tartty. Oǵan 40 saǵatqa deıin qoǵamdyq jumystarǵa tartý túrindegi jaza taǵaıyndaldy.