Topjarǵandar - joǵary oqý oryndarynyń reıtıngisi - baspasózge sholý

ASTANA. QazAqparat - «QazAqparat» halyqaralyq aqparat agenttigi 11 shilde, juma kúngi respýblıkalyq buqaralyq aqparat quraldarynda jaryq kórgen ózekti materıaldarǵa sholýdy usynady.

*** « Egemen Qazaqstan » basylymynyń búgingi sanynda ýnıversıtetterdiń reıtıngisi jarııalandy. « Topjarǵandar - joǵary oqý oryndarynyń reıtıngisi » atty maqalada elimizdegi eń úzdik dep tanylǵan oqý ordalarynyń attary atalady. Egjeı-tegjeıli taldaý jasalǵan maqala, ásirese talapkerlerge paıdaly bolatyny sózsiz.

Keshe Elbasy Nursultan Nazarbaev Almatydaǵy Rezıdentsııasynda Premer-Mınıstr Kárim Másimov pen Ulttyq bank tóraǵasy Qaırat Kelimbetovti qabyldady. Aldymen Úkimet basshysy Elbasyna eldegi alǵashqy jar­tyjyldyqtaǵy ekonomıkalyq damýdyń negizgi qory­tyn­dylary týraly baıandap, kelesi jartyjyldyqtyń josparlary jóninde esep berdi. Bul týraly « Egemen Qazaqstan » gazeti habarlaýda.

«Nursultan Ábishuly birinshi kezekte jaýapty laýazym ıelerine negizgi makroekonomıkalyq kórsetkishter men valıýta nary­ǵyndaǵy jaǵdaıdyń turaq­tylyǵyn qamtamasyz etýdi tapsyrdy. Elbasy qazirgi álemdik qarjy naryǵynda oryn alǵan jaǵdaılarǵa baılanysty udaıy bolatyn táýekelderdi saraptap otyrý qajettigine basa nazar aýdarý kerektigin atap kórsetti», - dep jazylǵan « Úkimet basshysy men bas bankırdiń esebin tyńdady » degen taqyryppen jarııalanǵan materıalda.

*** Basylymnyń taǵy bir "Qazaqstan - aımaqtaǵy eń tartymdy el" atty maqalasynda, CNBC basylymynyń Qazaqstan týraly jarııalaǵan materıaldyń jaı-japsarlary keńinen baıandalady .

«Amerıka jurtshylyǵy Qazaqstan jaıly oılaǵanda, esterine birden Sasha Baronnyń Borat atty keıipkeri túsetin shyǵar. Desek te, bul eldiń oıynda qarapaıym batystyq ınvestıtsııalardy tartýdan góri, orasan zor óńirlik strategııa bolýy múmkin» delingen CNBC jarııalaǵan sheteldik áriptesimiz Dına Gýsovskıdiń maqalasynda», - dep jazady avtor.

Sheteldik BAQ-ta kóterilgen máseleler týraly « Aıqyn » gazetinen oqı alasyzdar.

*** «Túrkistan» gazeti bolsa, Pýtınge ashyq hat jazyp, elimizdegi Facebook álemin dúrliktirgen Aleksandr ıAkovlevke maqala arnapty.

Aleksandr qazaq tilin meńgergen, paraqshasyndaǵy jazbalarynyń basym bóligi qazaq tilinde. Biraq Pýtınge qarata aıtylǵan pikiri orys tilinde jazylǵan. Onda ol Pýtınge «shet jerdegi orys tildi halyqty qorǵaýdyń qısyny joq, sebebi biz qazaqpyz» degen pikirlerdi joldaǵan bolatyn. «Qurmetti Pýtın myrza, odan da Reseı terrıtorııasyndaǵy orystardy, ıaǵnı óz azamattaryńyzdy qorǵańyz. Olarǵa Sizdiń kómegińiz aýadaı qajet. Al bizdi Bizdiń Prezıdent qorǵaıdy! Qurmetpen Aleksandr ıAkovlev, qazaq», - dep keltiredi «Túrkistan» ıAkovlev baýyrymyzdyń hattaǵy sózderin.

Tolyǵyraq «Men Qazaqstan azamatymyn» atty maqaladan oqýǵa bolady.

***

Astana men Almatyda keń taralǵan «jappaı taksızm» Máskeýden kelgen áıgili bloger Galına Shmermanǵa arnaıy zertteý jasaýǵa túrtki bolyp otyr, dep jazady resmı tilde jarııalanatyn «Ekspress K» basylymy.

«Qazaqstannyń iri qalalarynda árbir júrgizýshi taksıst keıipine enip, kez kelgen ýaqytta jol boıynda daýys berip turǵan jolaýshyny jetkizip salýǵa daıyn turady. Bul óz kezeginde shetel azamattaryn qaıran qaldyrýda», - delinedi «Taksýıýt vse» atty materıalda.

Galına Shmermannyń tańdanysyna oraı, Almatyda barlyǵy taksıst qyzmetin atqara beretin bolyp shyqty - jigitter, qyzdar, erler, áıelder, qarııalar jáne ájeler... Tipti jaqynda blogerdiń tanysyn ortasha «taksaǵa» jergilikti opera ánshisi jetkizip salǵan. Galına Shmermannyń aıtýynsha, bul qalada tipti kólik kerek emes, qolyńdy kóter de, kerek jerge deıin bireýdiń kóligimen jetip qal. Sheteldikter muny qoǵamnyń ózindik uıymdasýy dep atap ketken», - dep atap ótedi maqala avtory.