Topyraqty zańsyz satqan atyraýlyq mekeme 851 mln teńge aıyppul tóledi

<p>Atyraý oblysynyń mamandandyrylǵan tabıǵat qorǵaý prokýratýrasy &laquo;Nurmanııaz-Atyraý&raquo; JShS-nyń keń taralǵan paıdaly qazbalardy óndirýge ruqsatyn paıdalananyp, 2021-2022 jyldary 88 542 m&sup3; topyraqty zańsyz satqanyn anyqtady, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

Ruqsatty berý úshin «Morskoe» ken ornyndaǵy gıdrotehnıkalyq qurylystardyń úıindisin qalpyna keltirý týraly merdigerlik shart negiz bolǵan. Alaıda shartta topyraqty ózge maqsatta satý kózdelmegen.

"Oblys ákimdigine engizilgen prokýrorlyq qadaǵalaý aktisiniń nátıjeleri boıynsha «Nurmanııaz-Atyraý» JShS-dan buryn berilgen ruqsat qaıtaryp alyndy.

Atalǵan fakt boıynsha JShS-dan sotpen 851 mln teńge memleketke keltirilgen zalal óndirildi. Sot sheshimi zańdy kúshine endi", - dep jazdy baqylaýshy organnan.

Óz kezeginde, prokýratýra «jer qoınaýy resýrstaryna, onyń ishinde óńirdiń ekologııasyna zııan keltirgeni úshin jaýaptylyqtyń sózsiz bolatynyn» eskertedi.