Toparda sibir jarasynyń anyqtalýy: naýqastardyń biri jan tapsyrdy

<p>Qaraǵandy oblysynyń Densaýlyq saqtaý basqarmasy dárigerlerdiń qabyldaǵan barlyq sharalaryna qaramastan, sibir jarasyn juqtyryp, jan saqtaý bóliminde jatqan 1948 jylǵy patsıent qaıtys bolǵanyn málimdedi, dep habarlaıdy Kazinform.</p>

«Patsıenttiń ólimine sibir jarasy aýrýynyń aýyr satysy jáne qatar júretin aýyr dertterdiń bolýy sebep boldy. Sonymen qatar, naýqastyń medıtsınalyq kómekke kesh júginýi de óz áserin tıgizdi», - dep habarlady Qaraǵandy oblysynyń Densaýlyq saqtaý basqarmasy.

Sibir jarasyn juqtyrǵan qalǵan eki patsıentke keletin bolsaq, olardyń jaǵdaıy turaqty, dárigerlerdiń únemi baqylaýynda.

Eske salsaq, Qaraǵandy oblysynyń Topar kentinde karantın jarııalandy. Eldi mekennen sibir jarasy tabyldy.

Keıin kentte taǵy úsh adamnyń osy dertti juqtyrǵany belgili boldy.

Dárigerler bir patsıent aýyr halde dep habarlaǵan edi.

Sibir jarasynyń oshaǵy anyqtalǵan Topar kentinen jetkizilgen tórtinshi patsıenttiń taldaýy teris nátıje kórsetti.