Topardaǵy sibir jarasy: Ekinshi naýqastyń jaǵdaıy kúrt nasharlady

<p>Qaraǵandy oblysynda sibir jarasy dıagnozy rastalǵan taǵy bir naýqastyń jaǵdaıy nasharlady. Ol reanımatsııa bólimine aýystyryldy. Naýqasta teri-qabyný sındromy órship tur, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

«Búgingi tańda sibir jarasy dıagnozy rastalǵan eki naýqas em alyp jatyr. 62 jastaǵy patsıentte túınemeniń teridegi túri tirkelgen. Teri-qabyný sındromynyń kúsheıýine jáne isiný kóleminiń ulǵaıýyna baılanysty reanımatsııa jáne qarqyndy terapııa bólimine aýystyryldy. Ekinshi naýqas 41 jasta, ınfektsııa ortalyǵynyń neıroboks bóliminde jatyr. Jaǵdaıy ortasha aýyr. Tolyq kólemde em alyp jatyr», — dep málimdedi Qaraǵandy oblysy densaýlyq saqtaý basqarmasynyń basshysy Bıbigúl Tólegenova.

Eske salsaq, Qaraǵandy oblysynyń Topar kentinde karantın jarııalandy. Eldi mekennen sibir jarasy tabyldy. 

Keıin kentte taǵy úsh adamnyń osy dertti juqtyrǵany belgili boldy. 

Dárigerler bir patsıent aýyr halde ekenin habarlady.

Sibir jarasynyń oshaǵy anyqtalǵan Topar kentinen jetkizilgen tórtinshi patsıenttiń taldaýy teris nátıje kórsetti.

Búgin túnde bir naýqas kóz jumdy.