Top báıge: Máre syzyǵyn tek 3 sáıgúlik qana kesip ótti

<p>ASTANA. KAZINFORM &ndash; Dúnıejúzilik kóshpendileri oıyny aıasynda ótken top báıgede úsh sáıgúlik qana máre syzyǵyn kesip ótti.</p>

18 shaqyrymdyq top báıgege 19 júırik qatysqan bolatyn. Alaıda olardyń tek úsheýi ǵana márege jetti.

1-oryn: Holıboı, shabandozy - Baqtybaı Serjan, bapkeri - Medet Erlálim, at ıesi - Edil Buralqıev (Qazaqstan);

2-oryn: Zymyran, shabandozy - Arnat Murathan, bapkeri jáne at ıesi - Nurjigit Tabyldıev (Qazaqstan);

3-oryn: Kemeńger, shabandozy - Janbolat Marden, bapkeri - Salamat Ahmetov, at ıesi - Bekbolat Serikbekov (Qazaqstan).

Eske sala keteıik, buǵan deıin 3 200 metr qashyqtyqta synǵa túsken 7 sáıgúlik arasynda alǵashqy úshtikti taǵy da Qazaqstan júırikteri alǵanyn jazǵan edik.