TOP-5: Elimizge qaı eldiń saıahatshylary kóp keledi

<p>Ulttyq statıstıka bıýrosynyń deregine sáıkes, 2023 jyldyń qańtar-qyrkúıek aralyǵynda elimizge 834,9 myń sheteldik týrıst saıahattaǵan. Bul &ndash; 2022 jylǵy kórsetkishke qaraǵanda 225 myń adamǵa kóp. ıAǵnı, ósim 2022 jyldyń sáıkes kezeńimen salystyrǵanda 37%-ǵa artqan, dep habarlaıdy <a href="https://kaz.inform.kz/" target="_blank" rel="noopener">&nbsp;Kazinform.&nbsp;&nbsp;</a></p>

Týrızm jáne sport mınıstrligi baspasóz qyzmetiniń málimetinshe, 2022 jyly elimizge 609,8 myń sheteldik kelgen. Statıstıkalyq málimetter boıynsha, elimizge saıahattaıtyn sheteldik týrısterdiń geografııasy jyl sanap artyp keledi. Máselen, Qazaqstanǵa jaqyn kórshilerimizden bólek, muhıttyń arǵy betindegi memleketterdiń de saıahtashylary kóptep kele bastady. Osy oraıda, nazarlaryńyzǵa 2023 jyldyń qańtar-qyrkúıek aralyǵynda elimizge saıahattaǵan TOP-5 eldiń týrıster sanyn usynamyz.

2023 jyldyń alǵashqy 9 aıynda elimiz boıynsha eń kóp saıahatshy Reseı Federatsııasynan kelgen. Byltyrǵy qańtar-qyrkúıek aralyǵynda Qazaqstanǵa 356 850 myń reseılik saıahattaǵan.

Ekinshi oryndy Qytaı týrısteri ıelendi. Shyǵystaǵy kórshimizden elimizge 75 131 adamnyń tabany tıgen.

Al úshinshi satyǵa Túrkııa týrısteri turaqtady. Anadoly elinen 41 134 týrıst kelgen. Sondaı-aq úzdik bestiktiń qataryna Úndistan (34 757) jáne AQSh (28 160) saıahatshylary endi.

«Jyl saıyn sheteldik týrısterdiń Qazaqstanǵa degen qyzyǵýshylyǵy arta bastaǵanyn baıqap otyrmyz. Máselen, 2022 jyly elimizge 900 myńnan asa sheteldik saıahatshy, al ótken jyldyń 9 aıynda 800 myńnan asa sheteldik qonaq kelgen. Bıyl bul kórsetkish budan da kóbeıe túsedi degen senimdemiz. Óıtkeni elimizde sheteldikterdi tańǵaldyratyn, sulýlyǵymen ózine tartatyn, kórse kóz toıatyn kórikti jerler, tabıǵat syı etip bergen sulý mekender az emes. Sonymen qatar mınıstrlik baıtaq jerimizge tabany tıgen árbir saıahatshyǵa umytylmas áser qaldyrý úshin jumys istep jatyr», - dep atap ótti Týrızm jáne sport mınıstriniń orynbasary Erjan Erkinbaev.