«Tomırıs» fılmi qashan prokatqa shyǵatyny belgili boldy
«Jyldyń aıaǵyna deıin (qazan aıy-avt.) Aqan Sataevtyń «Tomırıs» tarıhı kartınasy prokatqa shyǵady», - dedi mınıstr halyqpen eseptik kezdesýinde.
A. Raıymqulovanyń aıtýynsha, qazaqstandyq-reseılik «Evakýtsııa» fılmi jaqyn arada kópshilikke kórsetilmek. Munymen qosa, Qazaqstan men Reseı arnaıy qyzmetteriniń jumysy týraly A. Sokolovtyń «Vıjıvshaıa» jobasy pysyqtalýda.
Belgili bolǵandaı, ótken ǵasyrdaǵy 40-50-shi jyldardaǵy oqıǵalar týraly birlesken kınojobany qurý boıynsha «Plano a Plano» madrıdtik kompanııasymen shyǵarmashylyq jumystar júrgizilýde.
Sonymen qatar, vedomstvo basshysy sáýir aıynda Mınıstrlik «Qazaqstan» Ortalyq kınokontsert zalynda balalar aýdıtorııasy úshin «Kúltegin» anımatsııalyq fılminiń alǵashqy qaıyrymdylyq kórsetilimin uıymdastyrǵanyn eske saldy. 10 myńnan asa bala, sonyń ishinde turmysy tómen otbasylar men balalar úıleriniń tárbıelenýshileri qatysty. Odan keıin respýblıkanyń barlyq óńirlerinde tusaýkeserler ótkizildi. Sondaı-aq, «Muzbalaq», «Kereı men Jánibek», «Kúltegin» kartınalarynyń tegin kórsetilýi uıymdastyryldy.
«Nurgeldi Sadyǵulovtyń aty ańyzǵa aınalǵan palýan týraly «Balýan Sholaq» fılminiń premerasyn kórermen úlken yqylaspen qabyldady. Mamyrda Jeńis kúnin merekeleý aıasynda Qarýly kúshterdiń Áskerı-tarıhı mýzeıinde Qorǵanys mınıstrliginiń, ardagerler men qoǵam qaıratkerleriniń qatysýymen Qara maıor Borıs Kerimbaev týraly «Jızn spetsıalnogo naznachenııa» derekti fılminiń premerasy ótti», - dedi mınıstr.
Aıta keteıik, Aqan Sataev saqtardyń kóshbasshysy - Tomırıs týraly tarıhı fılm túsirip jatqany habarlanǵan edi. https://kaz.inform.kz/news/tumar-hanshayym-turaly-fil-mge-kimder-tusip-zhatyr_a3109383
Buǵan deıin biz «Qazaqfılmde» Tomırıs patshaıymdy tańdaý qalaı júrip jatqandyǵy týraly tolyq aqparat bergen bolatynbyz.
https://kaz.inform.kz/news/kazakfil-mde-tumar-patshayymdy-tandau-kalay-zhurip-zhatyr_a3068637