«Tomırıs» fılmi Amazon Prime strımıng platformasynda kórsetile bastady

NUR-SULTAN. QazAqparat - «Tomırıs» kórkem fılmi Amazon Prime strımıng platformasynda kórsetile bastady, dep habarlaıdy QazAqparat.

Bul jaıynda Sháken Aımanov atyndaǵy «Qazaqfılm» kınostýdııasy málimet taratty.

«Kınostýdııa jaryqqa shyǵarǵan «Tomırıs» fılmi eń iri strımıng platformalardyń birine shyqty. Rejısser Aqan Sataev túsirgen tarıhı kınotýyndy kanadalyq jáne amerıkandyq kórermender úshin Amazon Prime halyqaralyq beıne platformasynyń qoryn kóbeıtti» dep jazdy mekeme Instagram paraqshasynda.

Aıta ketý kerek, búgingi kúnge deıin «Tomırıs» fılmi 10-nan astam tilge aýdarylyp, dýblıajdaldy.

Eske sala keteıik, biz buǵan deıin «Tomırıs» kınotýyndysy Parıjde ótken L’Etrange Festival kınofestıvaliniń tolyq metrajdy fılmder sektsııasynda Nouveau Genre gran-prıin jeńip alǵanyn jazǵan bolatynbyz.