Tomas Bah HOK Prezıdenti qyzmetinen ketetinin málimdedi

<p>ASTANA. KAZINFORM - Halyqaralyq olımpıadalyq komıtettiń (HOK) Prezıdenti Tomas Bah atalǵan uıymnyń 142-sessııasynda ókilettilik merzimi aıaqtalǵannan keıin qyzmetinen ketetinin aıtty.&nbsp;</p>

Nemis mamany Halyqaralyq olımpıadalyq komıtetine 2013 jyldan beri basshylyq jasap keledi. 2021 jyly tórt jyldyq merzimge qaıta saılandy. Bul olımpıadalyq hartııa boıynsha sońǵy merzim retinde sanalady. Osyǵan baılanysty HOK-tiń birqatar músheleri Bahtyń ókilettilik merzimin uzartýǵa qatysty reglamentti ózgertý jóninde usynys bildirgen edi.

Halyqaralyq olımpıadalyq komıtettiń jańa prezıdentin saılaý 2025 jyldyń naýryz aıynda ótedi. 70-jastaǵy Tomas Bah qajet bolǵan jaǵdaıda óz izbasaryna kómektesýge daıyn ekenin aıtty.

Tomas Bah óziniń sporttyq mansabynda 1976 jyly komandalyq saıysta semserlesýden Olımpıada chempıony atanǵan.

Aıta ketsek, 2024 jylǵy Parıj Olımpıadasynda Qazaqstan quramasy 1 altyn, 3 kúmis, 3 qola medalǵa qol jetkizdi.

Qazaqstandyq sportshylar Olımpıada oıyndarynda sporttyń 25 túrinen synǵa tústi. Elimizdiń atynan 80 sportshy 92 joldama jeńip alǵan bolatyn.