Tom Leffler: Golovkın taıaýda aıqasady
12:56, 08 Sáýir 2019
NUR-SULTAN. QazAqparat - GGG Promotions kompanııasynyń basqarýshy dırektory Tom Leffler WBA/WBC/IBF tujyrymdary boıynsha burynǵy álem chempıony Gennadıı Golovkınniń jýyrda rıngke oralatyny týraly málimdeme jasaıtynyn aıtty, dep habarlaıdy QazAqparat Sports.kz-ke silteme jasap.
«GGG aldaǵy kezdesýiniń qashan, qaıda, kimmen ótetini týraly jýyrda resmı túrde málimdeıdi, - dedi Leffler Periscope-translıatsııa barysynda.
Aıta keteıik, Golovkın jaz maýsymynyń basynda rıngke oralýy múmkin. Los Angeles Times basylymy taratqan habarlarǵa súıensek, ol shamamen 8 nemese 14 maýsym kúni Nıý-Iorkte jekpe-jek-ótkizedi. Ázirge Golovkınniń qarsylasy kim bolatyny anyq emes. Degenmen, frantsııalyq Hassan Ndam Njıkammen kezdesýi múmkin degen áńgime kóbirek aıtyla bastady.